Муассисаи мо

Муассисаи давлатии таҳсилоти миёнаи умумии «Литсейи Донишгоҳи давлатии ҳуқуқ, бизнес ва сиёсати Тоҷикистон». Суроға: Ҷумҳурии Тоҷикистон,735700, вилояти Суғд шаҳри Хучанд, микроноҳияи 27, бинои 1. Литсей бо ташаббуси ректори Донишгоҳи давлатии ҳуқуқ, бизнес ва сиёсати Тоҷикистон ва дастгирии бевоситаи Вазири маориф ва илми Ҷумҳурии Тоҷикистон, раиси вилояти Суғд, раёсати маорифи вилоят вабо қарори шӯрои олимони Донишгоҳи давлатии ҳуқуқ, бизнес ва сиёсати Тоҷикистон аз 10 ноябри соли 2010, №3 таъсис дода шуда, аз 01 сентябри соли 2011 дар пояи моддӣ-техникии донишгоҳ ба фаъолият оғоз кард. Литсей дар асоси ҳисоби хоҷагӣ ва худмаблағгузорӣ фаъолият мебарад ва ба сифати ташкилоти ғайри тиҷоратӣ баромад менамояд. Литсейи навбунёд бо роҳбарии директор Мӯҳсинов Ё.М. аз 01.09.2011 дари худро барои хонандагони соҳибистеъдод боз намуд. Соли нахустин литсей соҳиби 9 синфхона ва 184 нафар хонандагон буд. Дар литсей ҳамаги 18 нафар омӯзгорони варзида , аълочиёни маориф ва омӯзгорони дорои тахасусашон якум ва олӣ ба фаъолият сар карда, хишти аввалину таҳкурсии дониши бачагони соҳибистеъдодро гузоштанд. Таи 6 соли фаъолияти литсей якчанд сарварони варзида ба монанди Мӯҳсинов Ё.М., Юсупова М., Маҳмудова М. ва Ачилов М.М. баҳри баланд бардоштани дониши хонандагон ва ободии литсей бисёр заҳмат кашидаанд. Дар ин давра вазифаи аввалиндараҷаи маъмурият, аҳли омӯзгорон қабл аз ҳама ба сатҳи сифати баровардани раванди таълиму тарбия, кор бо хонандагони лаёқатманд, ҷорӣ намудани шаклу усулҳои муосири таълим, омӯзонидани забонҳо, гузаронидани санҷишҳои мавсимӣ аз фанҳои дақиқ, омода намудани хонандагон ба Олимпиада, истифодаи технологияи иттилоотию коммуникатсионии муосир буд. Бо ин мақсад дар литсеӣ тибқи ҷадвал дарсҳои иловагӣ ташкил шуда, ба тарзи дуруст навиштани корҳои хаттӣ, нутқи шифоҳии хонандагон, ба хотири таҳсил дар хориҷи кишвар барои омӯзиши забонҳо вобаста ба интихоби касб хондани китобҳои бадеӣ, барои омӯзгорон курсҳои омӯзиши компютерӣ, шиносоӣ бо интернет, истифода аз проектор ва тахтаи электронӣ шароит фароҳам оварда шудааст. Натиҷаи фаъолияти босамари омӯзгорон буд, ки дар соли таҳсили 2015-2016 дар Олимпиадаи фаннӣ 6 нафар хонандагон аз фанҳои забон ва адабиёти тоҷик, забони русӣ ва технологияи иттилоотӣ ҷойҳои 2 ва 3-ро ишғол намуданд. Дар сессияи шаҳрии Академияи хурди Илмҳо 4 нафар хонандагон аз фанҳои забони русӣ, забони англисӣ, физика ва адабиёти тоҷик сазовори ҷойҳои ифтихорӣ гардиданд. Дар сессияи ҷумҳуриявии Академияи хурди илмҳо хонандаи синфи 11 Абдуғаффорова Зарифа дар бахши забони модарӣ иштирок намуда, сазовори ҷойи якум гашт. Дар соли таҳсили 2016-2017 бошад, дар миқёси шаҳр 11 нафар хонандагон аз фанҳои забон ва адабиёти тоҷик, математика, забони русӣ, технологияи иттилоотӣ, география ва забони англисӣ ҷойҳои 1,2,3-ро ишғол намуда, барои иштирок дар Олимпиадаи вилоятӣ аз фанни забони русӣ ва технологияи иттилоотӣ иштирок намуда, сазовори ҷойи сеюм гардиданд, як нафар хонандаи литсей Қаюмова Малика аз фанни забони русӣ дар Олимпиадаи ҷумҳуриявӣ иштирок намуд. Дар сессияи шаҳрии Академияи хурди илмҳо 16 нафар хонандагони литсей аз баромад намуда, 10 нафар хонандагони литсей аз фанҳои таърих, ҳуқуқ, математика, химия, забони русӣ ва забони англисӣ сазовори ҷойҳои ифтихорӣ гардиданд.дар сессияи ҷумҳуриявӣ бошад, 4 нафар хонандагон иштирок намуда, аз онҳо 2 нафар соҳиби ҷойи якум (Амонов Амонбой – хонандаи синфи 10 аз фанни адабиёти тоҷик ва Мирзобеков Насрулло – хонандаи синфи 11 аз фанни ҳуқуқ)ва ду нафар соҳиби ҷойи дуюм (Бурҳонова Шаҳзода – хонандаи синфи 9 аз фанни забони русӣ ва Норматов Муҳаммадшариф аз фанни таърих)гаштанд. Хонандаи синфи 11 Почоев Одил арзандаи Идрорпулии Раиси шаҳри Хуҷанд ва Амонов Амонбой хонандаи синфи 10а гирандаи Идрорпулии Президенти Ҷумҳурии Тоҷикистон гаштанд. Аз январи соли 2015 то инҷониб литсейро директори пуртаҷрибаю кордида Ачилов Мансур Музаффарович роҳбарӣ менамоянд. Дар литсей 15 синфхона мавҷуд буда,дар онҳо кабинетҳои фаннӣ ҷой дода шудааст.

•	1.Кабинети математика
•	2.Кабинети физика
•	3.Кабинети химия
•	4.Кабинети забон ва адабиёти тоҷик
•	5.Кабинети забони русӣ
•	6.Кабинети биология
•	7.Кабинети забони англисӣ
•	8.Кабинети таърих
•	9.Кабинети технологияи иттилоотӣ
•	10.Толори маҷлисгоҳ
•	11.Ҳуҷраи тиббӣ
•	12.Китобхона ва ғайраҳо.
Дар литсей айни замон 29 нафар омӯзгорон, аз онҳо: 1 нафар номзади илми математика, 7 нафар Аълочии маорифи Тоҷикистон, 12 нафар дорои тахассуси олӣ ба кори таълиму тарбияи хонандагон машғуланд. Барои таълими босифати фанҳо дар литсей 32 адад компютери замонавӣ, 3 адад принтер,4 адад видео проектор ва 1 адад тахтаи электронӣ мавҷуданд. Доир ба таҷҳизонидани муассиса бо воситаҳои муоссир ва навтарини назорати раванди таълим бисёр диққати махсус дода шуда истодааст. Дар ин ҳама дастоварду муваффақиятҳо саҳми устодони соҳибтаҷрибаву кордон ба монанди Ачилов М.М., Юсупова Н.А., Акрамбоева Г.Т., Очилов Ҳ., Юсупова М., Ҳошимова Н.А., Шарипов Ҷ., Муйдинова М., Муродова М., Рустамов Р., Ҷумаева М. ва дигарон хеле бузург аст. Заҳматҳои омӯзгорон Ҷӯрабоева Н. (омӯзгори синфҳои ибтидоӣ) ва Акрамбоева Г.Т. (омӯзгори фанни забони русӣ) аз тарафи Раёсати маорифбо Ифтихорнома қадрдонӣ карда шуданд. Инчунин, бахшида ба Иди омӯзгорон омӯзгори навовару эҷодкори фанни забони русӣ Акрамбоева Г.Т. барои заҳматҳояшон дар таълиму тарбияи насли наврас бо Ифтихорномаи Вазорати маориф ва илми Ҷумҳурии Тоҷикистон қадрдонӣ карда шуданд.

15 толибилми беҳтарин

  1. 1)Дадобоева Ойша - 2193(хол)
  2. 2)Расулова Нозанин - 2076(хол)
  3. 3)Абдулхаева Мехрона - 2041(хол)
  4. 4)Жамолиддинов Жавхар - 2013(хол)
  5. 5)Бурхонова Сайёра - 1919(хол)
  6. 6)Бобоҷонова Матлубахон - 1871(хол)
  7. 7)Пирова Ширинбону - 1844(хол)
  8. 8)Рустамзода Рухшона - 1811(хол)
  9. 9)Чалолова Дилноза - 1696(хол)
  10. 10)Шомирзоев Кобули - 1658(хол)
  11. 11)Очилов Мухаммадамин - 1643(хол)
  12. 12)Валиева Ёсуман - 1534(хол)
  13. 13)Вохидов Алишер - 1480(хол)
  14. 14)Мавлонбекова Шаҳнура - 1450(хол)
  15. 15)Осимова Рофияхон - 1433(хол)